قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  № 19

2015 جىلعى 20 قاڭتار, استانا قالاسى ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ قاعيدالارىن بەكىتۋ تۋرالى «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-بابىيىڭ 16) تارماقشاسىنا سايكەس بۇيىرامىن: 1. قوسا بەرىلىپ وتىرعان ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە كايتا قابىلداۋ قاعيدالارى بەكىتىلسىن. 2. جوعارى, جوعارى وقۋ ورنىنان كەيىنگى ءبىلىم جانە حالىقارالىق ىنتىماقتاستىق دەپارتامەنتى (ج.ق.شايماردانوۆ); 1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى قامتاماسىز ەتسىن; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ ۆيتسە-مينيستر ت.و.بالىقباەۆقا جۇكتەلسىن. 4. وسى بۇيرىق العاشقى رەسمي تۇردە جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.ءسارىنجىپوۆ. قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 20 قاڭتارداعى №19 بۇيرىعىمەن بەكىتىلگەن ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ قاعيدالارى 1. جالپى ەرەجەلەر 1. ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ قاعيدالارى (بۇدان ءارى - قاعيدالار) «ءبىلىم تۋرالى» قازاقستان رەسپۋبليكاسى زاڭىنىڭ 5-بابىنىڭ 16) تارماقشاسىنا سايكەس ازىرلەنگەن جانە مەنشىك نىسانىنا جانە ۆەدومستۆولىق باعىنىستىلىعىنا قاراماستان ءبىلىم الۋشىلاردى تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنا اۋىستىرۋدىڭ جانە قايتا قابىلداۋدىڭ ءتارتىبىن ايقىندايدى. 2. ءبىلىم الۋشىلاردى كۋرستان كۋرسقا, ءبىر ءبىلىم بەرۋ ۇيىمىنان ەكىنشىسىنە, ءبىر وقۋ نىسانىنان ەكىنشى نىسانعا, ءبىر تىلدىك بولىمنەن ەكىنشى تىلدىك بولىمگە, ءبىر ماماندىقتان ەكىنشى ماماندىققا, اقىلى نەگىزدە وقۋدان مەملەكەتتىك ءبىلىم بەرۋ گرانتى بويىنشا وقۋعا اۋىستىرۋ جۇزەگە اسىرىلادى. ەسكەرتۋ. ءبىلىم الۋشىنى اقىلى نەگىزدەن مەملەكەتتىك ءبىلىم بەرۋ گرانتى بويىنشا وقۋعا اۋىستىرۋ قازاقستان رەسپۋبليكاسى ۇكىمەتىنىڭ 2008 جىلعى 23 قاڭتارداعى № 58 قاۋلىسىمەن بەكىتىلگەن جوعارى ءبىلىم الۋعا اقى تولەۋ ءۇشىن ءبىلىم بەرۋ گرانتىن بەرۋ ەرەجەسىنە سايكەس ءبىلىم الۋ پروتسەسىندە بوساعان ءبىلىم بەرۋ گرانتتارىن بەرۋ ارقىلى جۇزەگە اسىرىلادى. 3. كۇندىزگى جانە كەشكى وقۋ نىسانىندا ءبىلىم الۋشىلاردىڭ اۋىستىرۋ جانە قايتا قابىلداۋ تۋرالى وتىنىشتەرىن قابىلداۋشى ءبىلىم بەرۋ ۇيىمىنىڭ باسشىسى جازعى جانە قىسقى دەمالىس كەزەڭىندە, بىراق كەزەكتى اكادەميالىق كەزەڭ باستالعانعا دەيىن بەس جۇمىس كۇنىنەن كەشىكتىرمەي قاراستىرادى. سىرتتاي وقۋ نىسانىندا ءبىلىم الۋشىلاردىڭ اۋىستىرۋ جانە قايتا قابىلداۋ تۋرالى وتىنىشتەرىن ءبىلىم بەرۋ ۇيىمىنىڭ باسشىسى ءبىر اي ىشىندە, بىراق قابىلداۋشى ءبىلىم بەرۋ ۇيىمىنىڭ كەزەكتى ەمتيحان سەسسياسى باستالعانعا دەيىن بەس كۇننەن كەشىكتىرمەي قاراستىرادى. 4. ءبىلىم الۋشىلاردى اۋىستىرۋ نەمەسە قايتا قابىلداۋ كەزىندە ولاردىڭ وتكەن اكادەميالىق كەزەڭدەردە وقىعان جۇمىس وقۋ جوسپارلارىنداعى پاندەردىڭ اكادەميالىق ايىرماشىلىعى ايقىندالادى. 5.جۇمىس وقۋ جوسپارلارىنىڭ پاندەرىندەگى اكادەميالىق ايىرماشىلىقتى قابىلداۋشى ءبىلىم بەرۋ ۇيىمى ترانسكريپتتە نەمەسە ءبىلىم الۋدى اياقتاماعان تۇلعالارعا بەرىلەتىن انىقتامادا (بۇدان ءارى – انىقتاما) كورسەتىلگەن وقىعان پاندەرىنىڭ تىزبەسى, ولاردىڭ باعدارلامالارى مەن اكادەميالىق ساعاتتارداعى نەمەسە كرەديتتەردەگى كولەمى نەگىزىندە ايقىندايدى. 6. ءبىلىم الۋشى شەتەلدىك ءبىلىم بەرۋ ۇيىمىنان اۋىستىرىلعان نەمەسە قايتا قابىلدانعان كەزدە مەڭگەرىلگەن وقۋ باعدارلامالارى تۋرالى (اكادەميالىق انىقتاما, ترانسكريپت), سونداي-اق قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 10 قاڭتارداعى № 8 بۇيرىعىمەن بەكىتىلگەن, قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5135 بولىپ تىركەلگەن ءبىلىم تۋرالى قۇجاتتاردى تانۋ جانە نوستريفيكاتسيالاۋ ەرەجەسىندە بەلگىلەنگەن تارتىپپەن قازاقستان رەسپۋبليكاسىندا نوستريفيكاتسيالاۋ راسىمىنەن ءوتۋى ءتيىس ءبىلىم بەرۋدىڭ الدىڭعى دەڭگەيىن اياقتاعانى تۋرالى قۇجات ۇسىنىلادى. شەتەلدىك جوو-دان اۋىستىرۋ نەمەسە قايتا قابىلداۋ كەزىندە قازاقستان رەسپۋبليكاسىندا جالپى ورتا (ورتا جالپى) نەمەسە تەحنيكالىق جانە كاسىپتىك ءبىلىم العان تۇلعالار دا بالى بەلگىلەنگەن ءوتۋ بالىنان تومەن ەمەس ۇلتتىق بىرىڭعاي تەستىلەۋدىڭ (بۇدان ءارى – ۇبت) نەمەسە كەشەندى تەستىلەۋدىڭ (بۇدان ءارى – كت) سەرتيفيكاتىن ۇسىنادى. ۇبت مەن كت-عا قاتىسپاعان نەمەسە ءوتۋ بالىن الماعان تۇلعالار بۇيرىق شىققانعا دەيىن كت تاپسىرادى. 7. جۇمىس وقۋ جوسپارى پاندەرىندەگى اكادەميالىق ايىرماشىلىقتى جويۋ ءۇشىن ءبىلىم الۋشى وسى پاندەرگە جازىلادى, اكادەميالىق كەزەڭ ىشىندە وقۋ ساباقتارىنىڭ بارلىق تۇرىنە قاتىسادى, اعىمداعى باقىلاۋدىڭ بارلىق ءتۇرىن تاپسىرادى, قورىتىندى باقىلاۋعا جىبەرىلگەندىگى تۋرالى رۇقسات الادى. ەگەر اكادەميالىق ايىرماشىلىق پاندەرى اعىمداعى اكادەميالىق كەزەڭنىڭ وقۋ ساباقتارىنىڭ كەستەسىنە ەنگىزىلمەگەن جاعدايدا, ءبىلىم الۋشى ولارعا جازعى سەمەسترگە جازىلادى. 8. جازعى سەمەستردە جويىلماعان جۇمىس وقۋ جوسپارى پاندەرىندەگى اكادەميالىق ايىرماشىلىق كەيىننەن اكادەميالىق بەرەشەك رەتىندە ەسكەرىلەدى. 2. ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ ءتارتىبى 1-پاراگراف. تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنداعى ءبىلىم الۋشىلاردى اۋىستىرۋ جانە قايتا قابىلداۋ 9. تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا (بۇدان ءارى - ءبىلىم بەرۋ ۇيىمدارى) ءبىر ماماندىقتان ەكىنشى ماماندىققا نەمەسە وقۋدىڭ ءبىر نىسانىنان ەكىنشىسىنە اۋىسۋ ءبىلىم بەرۋ ۇيىمى باسشىسىنىڭ بۇيرىعىمەن جۇرگىزىلەدى. 10. ەگەر ءبىلىم الۋشى ءبىلىم بەرۋ ۇيىمىمەن ءبىلىم بەرۋ قىزمەتتەرىن كورسەتۋ تۋرالى جەكە شارت (بۇدان ءارى - شارت) جاساسا, وندا ونىڭ باسقا ءبىلىم بەرۋ ۇيىمىنا نەمەسە ءبىر ماماندىقتان ەكىنشىسىنە اۋىسۋى ءۇشىن اتالعان شارتتىڭ وزگەرتىلۋى نەمەسە بۇزىلۋى قاجەت. 11. ءبىلىم الۋشىلاردى كۋرستان كۋرسقا, ءبىر ءبىلىم بەرۋ ۇيىمىنان ەكىنشىسىنە, ءبىر وقۋ نىسانىنان ەكىنشى نىسانعا, ءبىر تىلدىك بولىمنەن ەكىنشى تىلدىك بولىمگە, ءبىر ماماندىقتان ەكىنشى ماماندىققا, اقىلى نەگىزدە وقۋدان مەملەكەتتىك ءبىلىم بەرۋ گرانتى بويىنشا وقۋعا اۋىستىرۋعا ءتورت وقۋ پانىنەن اسپايتىن اكادەميالىق ايىرماشىلىق بولعاندا جول بەرىلەدى. كامەلەتكە تولماعان ءبىلىم الۋشىنىڭ اتا-اناسى نەمەسە زاڭدى وكىلدەرى تۇرعىلىقتى مەكەنجايىن اۋىستىرعان جاعدايدا, راستاۋ قۇجاتتارىن ۇسىنسا, ونى كانيكۋل كەزەڭىنەن باسقا ۋاقىتتا دا اۋىستىرۋعا رۇقسات بەرىلەدى. تەحنيكالىق جانە كاسىپتىك ءبىلىم بەرۋ ۇيىمدارىندا وقۋ شىعىندارىن تولىق وتەيتىن, اقىلى نەگىزدە ءبىلىم الۋشى مەملەكەتتىك ءبىلىم بەرۋ تاپسىرىسى بويىنشا وقۋ ءۇشىن بوس ورىندارعا مىناداي تارتىپپەن اۋىسادى: 1) ءبىلىم الۋشى ءبىلىم بەرۋ ۇيىمى باسشىسىنىڭ اتىنا ءارى قاراي مەملەكەتتىك ءبىلىم بەرۋ تاپسىرىسى بويىنشا وقۋعا اۋىستىرۋ تۋرالى ەركىن نىساندا ءوتىنىش بەرەدى; 2) ءبىلىم بەرۋ ۇيىمىنىڭ باسشىسى اتالعان ءوتىنىشتى قاراپ, ونى پەداگوگيكالىق كەڭەستىڭ قاراۋىنا شىعارادى جانە پەداگوگيكالىق كەڭەس شەشىمىنىڭ نەگىزىندە ءبىلىم الۋشىنى ءارى قاراي مەملەكەتتىك ءبىلىم بەرۋ تاپسىرىسى بويىنشا وقۋعا اۋىستىرۋ تۋرالى بۇيرىق شىعارادى. 12. باسقا ءبىلىم بەرۋ ۇيىمىنا اۋىسۋعا نيەت بىلدىرگەن ءبىلىم الۋشى ءبىلىم الىپ جاتقان ءبىلىم بەرۋ ۇيىمى باسشىسىنىڭ اتىنا ەركىن نىساندا اۋىسۋ تۋرالى جازباشا ءوتىنىش بەرەدى جانە اۋىسۋعا مورمەن بەكىتىلگەن جازباشا كەلىسىم الىپ, ءوزى قالاعان ءبىلىم بەرۋ ۇيىمىنىڭ باسشىسىنا ءوتىنىش بىلدىرەدى. قابىلداۋشى ءبىلىم بەرۋ ۇيىمى باسشىسىنىڭ اتىنا جازىلعان اۋىسۋ تۋرالى وتىنىشكە اۋىستىراتىن ءبىلىم بەرۋ ۇيىمى باسشىسىنىڭ قولىمەن كۋالاندىرىلعان ءبىلىم الۋشىنىڭ سىناق كىتاپشاسىنىڭ (نەمەسە ۇلگەرىم كىتاپشاسىنىڭ) كوشىرمەسى قوسا تىركەلۋى قاجەت. 13. اۋىستىرۋ تۋرالى ماسەلە شەشىلگەن جاعدايدا ءبىلىم الۋشىنى قابىلدايتىن ءبىلىم بەرۋ ۇيىمىنىڭ باسشىسى ونىڭ وقۋ ساباقتارىنا رۇقسات بەرۋ, وقۋ جوسپارىنداعى ايىرماشىلىقتاردى تاپسىرۋ تۋرالى بۇيرىق شىعارادى, بۇرىن ءبىلىم الۋشى وقىعان ءبىلىم بەرۋ ۇيىمىنا ونىڭ جەكە ءىس قۇجاتتارىن جىبەرۋ تۋرالى جازباشا سۇراۋ جولدايدى. 14. ءبىلىم بەرۋ ۇيىمدارىنىڭ ءبىلىم الۋشىلارى قاتارىنا قابىلداۋ تۋرالى بۇيرىق ءبىلىم الۋشىنىڭ بۇرىن وقىعان ءبىلىم بەرۋ ۇيىمىنان جەكە ءىس قاعازدارى الىنعاننان كەيىن شىعارىلادى. 15. ءبىلىم بەرۋ ۇيىمدارىندا بۇرىن ءبىلىم العان تۇلعالار بۇرىنعى نەمەسە باسقا ءبىلىم بەرۋ ۇيىمىنا قايتا قابىلدانا الادى. قايتا قابىلداۋدىڭ مىندەتتى شارتى ءبىلىم الۋشىنىڭ ءبىر سەمەستردى اياقتاۋى بولىپ تابىلادى جانە قايتا قابىلداۋ تۋرالى ماسەلە ونىڭ جەكە ءوتىنىشى نەگىزىندە عانا قارالادى. ءبىلىم الۋشىلاردى ءبىرىنشى كۋرسقا قايتا قابىلداۋعا ءبىرىنشى سەمەستردى اياقتاعاننان كەيىن ءتيىستى نەمەسە ۇقساس ماماندىقتار بويىنشا رۇقسات ەتىلەدى. 16. وقۋ اقىسىن تولەمەگەنى ءۇشىن سەمەستر كەزىندە وقۋدان شىعارىلعان اقىلى نەگىزدە وقيتىن ءبىلىم الۋشى تولەماقى بويىنشا قارىزىن وتەگەن جاعدايدا وقۋدان شىعارىلعان كۇننەن باستاپ ءتورت اپتانىڭ ىشىندە وقۋعا قايتا قابىلدانادى, بۇل رەتتە ءبىلىم بەرۋ ۇيىمى تولەماقى بويىنشا قارىزىن وتەگەنى تۋرالى قۇجاتتى ۇسىنعان جاعدايدا ءۇش جۇمىس كۇنى ىشىندە ءبىلىم الۋشىنى قايتا قابىلدايدى. 17. بۇرىن باسقا ءبىلىم بەرۋ ۇيىمدارىندا ءبىلىم العان ءبىلىم الۋشىلاردى وقۋعا قايتا قابىلداۋعا: كۋرستار مەن ماماندىقتار بويىنشا وقىتۋدىڭ ءتيىستى وقۋ توپتارى بولعان جاعدايدا; وقۋدى اياقتاماعان تۇلعالارعا بەرىلەتىن انىقتامادا (نەمەسە ءبىلىم الۋشىنىڭ سىناق كىتاپشاسىندا) كورسەتىلگەن وقۋ پاندەرىنىڭ قابىلداۋشى ءبىلىم بەرۋ ۇيىمىنىڭ جۇمىس وقۋ جوسپارىنىڭ وقۋ پاندەرى تىزبەسىنەن ايىرماشىلىعى ءتورت وقۋ پاندەرىنەن ارتىق بولماعان جاعدايلاردا رۇقسات ەتىلەدى. 18. جۇمىس وقۋ جوسپارىنىڭ پاندەرى مەن وقۋ ساعاتتارىنداعى ايىرماشىلىقتى ءبىلىم بەرۋ ۇيىمى باسشىسىنىڭ وقۋ ءىسى جونىندەگى ورىنباسارى بەلگىلەيدى. وقۋ جوسپارى پاندەرىندەگى ايىرماشىلىقتى جويۋدىڭ ءتارتىبى مەن مەرزىمى ءبىلىم بەرۋ ۇيىمى باسشىسىنىڭ بۇيرىعىمەن بەكىتىلەدى. 19. بۇرىن ءبىلىم العان ءبىلىم الۋشى باسقا ءبىلىم بەرۋ ۇيىمىنا وقۋعا قايتا قابىلدانعان جاعدايدا بۇرىن وقىعان ءبىلىم بەرۋ ۇيىمىنىڭ باسشىسى قابىلداۋشى تاراپتىڭ جازباشا سۇراۋى نەگىزىندە ءبىلىم الۋشىنىڭ جەكە ءىس قۇجاتتارىن جىبەرەدى, بۇل رەتتە انىقتامانىڭ, سىناق كىتاپشاسىنىڭ كوشىرمەسىن جانە جىبەرىلگەن قۇجاتتارىنىڭ تىزىمدەمەسىن وزىندە قالدىرادى. 20. وقۋعا قايتا قابىلدانۋ ءۇشىن بۇرىن ءبىلىم العان ءبىلىم الۋشى ءوزىنىڭ وقۋىن جالعاستىرعىسى كەلەتىنىن ءبىلدىرىپ, ءبىلىم بەرۋ ۇيىمى باسشىسىنىڭ اتىنا ەركىن نىساندا ءوتىنىش, بەرەدى, بۇل رەتتە قايتا قابىلداۋ تۋرالى وتىنىشكە انىقتاما قوسا بەرىلەدى. 21. ۇسىنىلعان انىقتاما نەگىزىندە ءبىلىم بەرۋ ۇيىمى كۋرستى جانە پاندەردىڭ ايىرماشىلىعىن انىقتاپ, وقۋعا قايتا قابىلداۋ تۋرالى ءوتىنىشتى بەرىلگەن ۋاقىتتان باستاپ ەكى اپتالىق مەرزىمدە قاراۋى قاجەت. 2-پاراگراف. جوعارى وقۋ ورىندارىندا ءبىلىم الۋشىلاردى اۋىستىرۋ جانە قايتا قابىلداۋ 22. ەگەر جوعارى وقۋ ورىندارىنىڭ (بۇدان ءارى – جوو) ءبىلىم الۋشىلارى جەكە وقۋ جوسپارىنا سايكەس مەڭگەرىپ جاتقان باعدارلاماسىنىڭ ءبىرىنشى اكادەميالىق كەزەڭىن تولىق اياقتاسا, ولار وقۋدان شىعارىلعاننان كەيىن اۋىسا الادى نەمەسە قايتا قابىلدانا الادى. بۇل رەتتە ءبىلىم الۋشى وقۋدان شىعارىلعان مەرزىمىنە قاراماستان كەز كەلگەن وقىتۋ نىسانىنا, كەز كەلگەن ماماندىققا جانە كەز كەلگەن جوعارى وقۋ ورنىنا اۋىسا نەمەسە قايتا قابىلدانا الادى. 23. ءبىلىم الۋشىنى ءبىر ماماندىقتان ەكىنشىسىنە, ءبىر وقىتۋ نىسانىنان ەكىنشىسىنە اۋىستىرۋ اقىلى نەگىزدە وقۋ ءۇشىن عانا جۇزەگە اسىرىلادى. 24. ءبىلىم الۋشىنى اۋىستىرۋ نەمەسە قايتا قابىلداۋ كەزىندە ولاردىڭ ءارى قاراي وقۋ كۋرسى پرەرەكۆيزيتتەردى ەسەپكە الا وتىرىپ ايقىندالادى. ءبىلىم الۋ كەزەڭىندە قازاقستان رەسپۋبليكاسىنىڭ قارۋلى كۇشتەرى قاتارىندا اسكەري مىندەتىن وتەۋگە شاقىرىلعان ءبىلىم الۋشىلار ءتيىستى كۋرسقا قايتا قابىلدانادى. بۇل رەتتە جوعارى وقۋ ورىندارى اعىمداعى وقۋ جىلى ىشىندە تاپسىرۋعا قاجەتتى پرەرەكۆيزيتتەر تىزبەسىن انىقتايدى. 25. مەڭگەرىلگەن كرەديتتەردى قايتا ەسەپتەۋ ءبىلىم بەرۋ باعدارلامالارىن, مەڭگەرىلگەن پاندەردىڭ تىزبەسى مەن مازمۇنىن, ولاردىڭ كولەمىن, الىنعان ءبىلىمدى, بىلىكتى, داعدىلار مەن قۇزىرەتتەردى, سونداي-اق دۋبلين دەسكريپتورلارىنا سايكەس كورسەتكەن وقىتۋ ناتيجەلەرىن سالىستىرۋ نەگىزىندە جۇرگىزىلەدى. 26. مەڭگەرىلگەن كرەديتتەردى قايتا تاپسىرۋ كەزىندە قورىتىندى باقىلاۋ نىسانىنداعى ايىرماشىلىق ەسكەرىلمەيدى. قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 28 ساۋىردەگى № 152 بۇيرىعىمەن بەكىتىلگەن, قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6976 بولىپ تىركەلگەن وقىتۋدىڭ كرەديتتىك تەحنولوگياسى بويىنشا وقۋ پروتسەسىن ۇيىمداستىرۋدىڭ قاعيدالارىنا سايكەس سىناق ەڭ تومەنگى D (1,0; 50-54%) جانە ەڭ جوعارعى A (4,0; 95-100%) ارالىعىنداعى دياپازوندا ءبىلىم الۋشىنىڭ وقۋ جەتىستىگىن باعالاۋدىڭ ارىپتىك جۇيەسىنە تەڭەستىرىلەدى. 27. ءبىلىم الۋشىنى كۋرستان كۋرسقا اۋىستىرۋ جازعى ەمتيحان سەسسياسىنىڭ قورىتىندىسى (ارالىق اتتەستاتتاۋ) بويىنشا جازعى سەمەستردىڭ ناتيجەلەرىن جانە الىنعان ورتاشا ۇلگەرىم بالدارىن (GPA - Grade Point Average) ەسكەرە وتىرىپ جۇزەگە اسىرىلادى. 28. ءبىلىم الۋشىنىڭ جوو-دا بەلگىلەنگەن اۋىسۋ بالىنان تومەن ەمەس ۇلگەرىمنىڭ ورتاشا بالىنا (GPA - Grade Point Average) قول جەتكىزۋى ءبىلىم الۋشىنى كۋرستان كۋرسقا اۋىستىرۋدىڭ مىندەتتى شارتى بولىپ تابىلادى. 29. ءبىلىم الۋشىنى كۋرستان كۋرسقا اۋىستىرۋ جوو باسشىسىنىڭ بۇيرىعىمەن رەسىمدەلەدى. 30. بەلگىلەنگەن اۋىسۋ بالىنا قول جەتكىزگەن جانە كەلەسى كۋرسقا اۋىستىرىلعان ءبىلىم بەرۋ گرانتى نەمەسە مەملەكەتتىك ءبىلىم بەرۋ تاپسىرىسى (بۇدان ءارى – مەملەكەتتىك تاپسىرىس) بويىنشا ءبىلىم الۋشى اكادەميالىق قارىزى بار بولعان جاعدايدا ءبىلىم بەرۋ گرانتىن نەمەسە مەملەكەتتىك تاپسىرىس ورنىن ساقتاي وتىرىپ, ونى اقىلى نەگىزدە جويادى. 31. ءبىلىم بەرۋ گرانتى بويىنشا ءبىلىم الاتىن ستۋدەنت ءبىلىم بەرۋ گرانتىن ساقتاي وتىرىپ باسقا جوو-عا اۋىسا الادى. جەكەلەگەن جوو-لار ءۇشىن بەكىتىلگەن ءبىلىم بەرۋ گرانتى بويىنشا نىسانالى ورىندارعا, سونداي-اق بولىنگەن كۆوتا شەگىندە پەداگوگيكالىق ماماندىقتارعا تۇسكەن ستۋدەنتتەر باسقا جوو-عا تەك اقىلى نەگىزدە عانا اۋىسا الادى. 32. ماگيسترانتتار باسقا جوو-عا تەك اقىلى نەگىزدە اۋىسا الادى. 33. ستۋدەنتتەر مەن ماگيسترانتتاردى باسقا جوو-دان ۇلتتىق جوو-عا اۋىستىرۋ تەك اقىلى نەگىزدە عانا جۇزەگە اسىرىلادى. بۇل رەتتە ستۋدەنتتىڭ ۇلتتىق بىرىڭعاي تەستىلەۋدىڭ نەمەسە كەشەندى تەستىلەۋدىڭ سەرتيفيكاتىنداعى بالل سانى 60-تان تومەن بولماۋى جانە ورتاشا ۇلگەرىم بالى (GPA - Grade Point Average) اتالعان ۇلتتىق جوو-داعى بەلگىلەنگەن اۋىسۋ بالىنان تومەن بولماۋى ءتيىس. 34. ءبىلىم الۋشىنى كۋرستان كۋرسقا, ءبىر ماماندىقتان ەكىنشىسىنە, ءبىر وقىتۋ نىسانىنان ەكىنشىسىنە, ءبىر جوو-دان ەكىنشى جوو-عا اقىلى نەگىزدە اۋىستىرۋ جانە قايتا قابىلداۋ ءراسىمىن جوو دەربەس بەلگىلەيدى جانە ونىڭ اكادەميالىق ساياساتىندا كورسەتىلۋى ءتيىس. بۇل رەتتە ءبىلىم الۋشىنىڭ جەكە ءىس قاعازىندا باكالاۆرات ءۇشىن – ۇبت نەمەسە كت تاپسىرعانى تۋرالى سەرتيفيكات, ماگيستراتۋرا ءۇشىن – ءتۇسۋ ەمتيحاندارىن تاپسىرعانى تۋرالى سەرتيفيكات بولۋى ءتيىس. 35. ءبىلىم بەرۋ گرانتى بويىنشا ءبىلىم الۋشىنى ءبىر جوو-دان ەكىنشىسىنە اۋىستىرۋ ءراسىمى مىناداي تارتىپپەن جۇزەگە اسىرىلادى: 1) باسقا جوو-عا اۋىسۋعا نيەت بىلدىرگەن ءبىلىم الۋشى ءبىلىم الىپ جاتقان جوو باسشىسىنىڭ اتىنا اۋىسۋ تۋرالى ەركىن نىساندا ءوتىنىش بەرەدى جانە اۋىسۋعا مورمەن بەكىتىلگەن جازباشا كەلىسىم الىپ, قىزىعۋشىلىق تانىتقان جوو باسشىسىنا ءوتىنىش بىلدىرەدى; 2) قابىلداۋشى جوو باسشىسىنىڭ اتىنا جازىلعان اۋىسۋ تۋرالى وتىنىشكە وقۋ ءىسى جونىندەگى پرورەكتور مەن وفيس-تىركەۋشى قول قويعان, مورمەن بەكىتىلگەن ترانسكريپتتىڭ, ءبىلىم بەرۋ گرانتى يەگەرى كۋالىگىنىڭ, وقىعان جوو باسشىسىنىڭ اتىنا جازىلعان ءوتىنىشتىڭ (باسشىنىڭ قولى قويىلىپ, ءمور باسىلعان) كوشىرمەلەرى قوسا بەرىلۋگە ءتيىس; 3) فاكۋلتەت دەكانى (ينستيتۋت ديرەكتورى) ۇسىنىلعان قۇجاتتاردىڭ نەگىزىندە وقۋ جوسپارلارىنداعى پاندەر ايىرماشىلىقتارىن ايقىندايدى جانە مەڭگەرىلگەن پرەرەكۆيزيتتەرگە سايكەس وقۋ كۋرسىن بەلگىلەيدى, ءبىلىم بەرۋ باعدارلاماسىنا سايكەس مەڭگەرىلگەن كرەديتتەردى قايتا ەسەپتەيدى جانە تىركەۋ بولىمىمەن كەلىسىم بويىنشا ءبىلىم الۋشىنىڭ جەكە وقۋ جوسپارىن بەكىتەدى; 4) فاكۋلتەت دەكانى (ينستيتۋت ديرەكتورى), وفيس-تىركەۋشى, اكادەميالىق ماسەلەلەرگە جەتەكشىلىك جاسايتىن بولىمشە باسشىسى (وقۋ-ادىستەمەلىك ءبولىم نەمەسە باسقارما) باستىعى, وقۋ ءىسى جونىندەگى پرورەكتور قويعان بۇرىشتامالارعا سايكەس جوو باسشىسى ءبىلىم الۋشىنى اۋىستىرۋ تۋرالى بۇيرىق شىعارادى; 36. ءبىلىم الۋشى اۋىساتىن جوو-نىڭ باسشىسى بۇيرىق شىققان كۇننەن باستاپ ءۇش جۇمىس كۇنى ىشىندە ءبىلىم الۋشى بۇرىن وقىعان جوو-عا ونىڭ جەكە ءىس قاعازدارىن جىبەرۋ تۋرالى جازباشا سۇراۋ جولدايدى. سۇراۋعا ءبىلىم الۋشىنى اۋىسۋ تارتىبىمەن قابىلداۋ تۋرالى بۇيرىقتىڭ كوشىرمەسى قوسا بەرىلەدى. 37. ءبىلىم الۋشى بۇرىن وقىعان جوو-نىڭ باسشىسى مۇنداي سۇراۋدى العاننان كەيىن «(جوو اتاۋى) اۋىسۋىنا بايلانىستى وقۋدان شىعارىلدى» دەگەن مازمۇنداعى وقۋدان شىعارۋ تۋرالى بۇيرىق شىعارادى جانە بۇيرىق شىققان كۇننەن باستاپ ءۇش جۇمىس كۇنى ىشىندە ءبىلىم الۋشىنىڭ جەكە ءىس قاعازدارىن قابىلداۋشى جوو-نىڭ مەكەنجايىنا جولدايدى. ءبىلىم الۋشى وقىعان جوو-دا ترانسكريپتتىڭ كوشىرمەسى, سىناق كىتاپشاسى, ستۋدەنتتىك بيلەت جانە جىبەرىلەتىن قۇجاتتاردىڭ تىزىمدەمەسى قالادى. 38. ءبىر جوو-دان ەكىنشىسىنە ءبىلىم بەرۋ گرانتى نەگىزىندە ءبىلىم الۋشىنى اۋىستىرۋ كەزىندە قابىلداۋشى جوو-نىڭ باسشىسى ءبىلىم الۋشىنى قابىلداۋ تۋرالى بۇيرىقتىڭ, كوشىرمەسىن ونىڭ اتىنا جازىلعان ءبىلىم بەرۋ گرانتى كۋالىگىنىڭ كوشىرمەسىمەن بىرگە ءبىلىم بەرۋ سالاسىنداعى ۋاكىلەتتى ورگانعا جانە ءتيىستى بيۋدجەتتىك باعدارلاما اكىمشىسىنە جوو-نىڭ قارجىلاندىرۋ كولەمىن تۇزەتۋ ءۇشىن ۇسىنادى. 39. وقۋ كەزەڭىندە پايدا بولعان اۋرۋ ناتيجەسىندە بەرىلگەن ماماندىقتا وقۋعا تىيىم سالىنعانى تۋرالى دارىگەرلىك-كونسۋلتاتيۆتىك كوميسسيانىڭ قورىتىندىسى بار ءبىلىم بەرۋ گرانتى بويىنشا ءبىلىم الۋشى ءبىر ماماندىقتان ەكىنشىسىنە بوس ورىندارعا ءبىلىم بەرۋ گرانتى بويىنشا اۋىسادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 اقپانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10297 بولىپ ەنگىزىلدى.